煙頭股 (一) - 現金爆炸的中遠海運國際 (517.HK)

中遠海運國際 (517.HK) 是中遠集團企下其一上市公司，亦應是目前最遠離閃光燈既一員。

自2010年出售遠洋地產後，517吐現了鉅額現金，現時手頭現金已超過65億人仔(約75億港紙)。公司沒有任何負債，純以資產負債表角度分析，財政狀況非常健康。加之國企背景及Big 4 核數師，可免除其他民企做假數的擔憂。

517主要經營船舶貿易代理服務、船舶保險顧問服務、船舶設備及備件供應、塗料生產和銷售，以及船舶燃料及相關產品貿易及供應業務。業務受船務行業週期性影響，主業局限性大且缺乏增長空間是死症。加上之前未能受惠於中遠系重組，被市埸睇死佢係中遠不受重視既孤兒仔。以致股價近年每況越下，現價 (2.89)比之於2011年最低位 (2.5)只高出15%。

以現價2.89計算，息率6厘，如只當佢係一隻收息悶股其實非常合理。

但如果從市值略作分析，現價市值只有44億港紙，比帳面現金價值折讓達41%。即係"比1蚊現金就買到1.7蚊現金等值資產，仲要每年比多6厘息你"，基本係抵到爛。

而事實上當中遠系成功收購316後，旗下船隊數目將由約600艘增加至約750艘。作為系內成員點都會有多少油水。雖然增長不明，但都可給予信心當佢維持業績平穩先，

打開門做生意點都係講回報，拎住65億唔投資唯一可能性係時機未到。如果話2015年1919,1199同2866重組係第一步，收購316係第二步，咁第三步點都到517啦呱?!(備註: 517手頭現金比1199,1919,2866呢3間現金總和還要多。作為集團銀行其實佢都幾稱職)

參考年報內資料，現時各分部的總溢利為2.64億及總權益約25.4億，閒置現金有57.45億。517的ROE為10.4%，

如果可將一半閒置現金 28.7億用作收購新業務/被注資，即一年可以賺多2.99億，當佢減少派息比率到60%，咁息率就有近9%，如維持80%派出就是12厘股了。

當然大前提是佢地唔再做守財奴。

昨天以2.89買入小量收息等運到。上望佢醜女大改造變12厘股，財息兼收。最壞打算陪佢繼續悶落去維持現狀6厘息率。

數就係咁計，Plan for the worst, hope for the best!!!!!